കള്ളകടൽ പ്രതിഭാസം: കൊല്ലത്ത് റെഡ് അലേർട്ട് പ്രഖ്യാപിച്ചു.

കൊല്ലം ജില്ലയിൽ കള്ളക്കടൽ പ്രതിഭാസത്തിന്റെ പശ്ചാത്തലത്തിൽ റെഡ് അലേർട്ട് പ്രഖ്യാപിച്ചു. തിരമാലകൾ ഒന്നര മീറ്റർ വരെ ഉയരാൻ സാധ്യത ഉണ്ടെന്നാണ് സമുദ്ര സ്ഥിതി പഠന ​ഗവേഷണ കേന്ദ്രം മുന്നറിയിപ്പ് നൽകിയിരിക്കുന്നത്. കള്ളക്കടല്‍ പ്രതിഭാസത്തിന് വരും ദിവസങ്ങളിലും സാധ്യതയുണ്ടെന്നും അതി ജാഗ്രത തുടരണമെന്നുമാണ് നിര്‍ദേശം.

 തീരപ്രദേശത്ത് താമസിക്കുന്നവർ അതീവ ജാ​ഗ്രത പാലിക്കണം എന്ന് ജില്ലാ ദുരന്ത നിവാരണ അതോറിറ്റി ചെയർമാൻ‌ കൂടിയായ കളക്ടർ എൻ ദേവിദാസ് അറിയിച്ചു.

കടൽ ക്ഷോഭം രൂക്ഷമാകാൻ സാധ്യതയുള്ളതിനാൽ അപകടമേഖലകളിൽ നിന്ന് അധിക‍‍ൃതരുടെ നിർദ്ദേശാനുസരണം മാറിത്താമസിക്കണം. ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കണം. ജലസാമീപ്യമുള്ള താഴ്ന്ന ഇടങ്ങളിൽ താമസിക്കുന്നവരും കരുതലെടുക്കണം. മത്സ്യബന്ധന യാനങ്ങൾ സുരക്ഷിതമായി സൂക്ഷിക്കണമെന്നും മുന്നറിയിപ്പുണ്ട്. 

അപായ സൂചന നൽകാൻ തീരദേശത്ത് മൈക്ക് അനൗൺസ്മെന്റ് നടത്തും. ആഴക്കടൽ മത്സ്യബന്ധനത്തിന് പോയവരുടെ സുരക്ഷാ കാര്യങ്ങളുടെ ചുമതല കോസ്റ്റൽ പോലീസ്, മറൈൻ എൻഫോഴ്സ്മെന്റ് എന്നിവർക്കാണ്. ദുരന്തനിവാരണ അതോറിറ്റി ചീഫ് എക്സിക്യൂട്ടീവ് ഓഫീസറായ എ ഡി എം സി എസ് അനിലിനാണ് പൊതു ഏകോപന ചുമതല. കാെല്ലം കേന്ദ്രീകരിച്ച് സബ് കളക്ടർ മുകുന്ദ് ഠാക്കൂർ, കരുനാ​ഗപ്പള്ളി മേഖലയിൽ എൽ ആർ ഡെപ്യൂട്ടി കളക്ടർ ജിയോ ടി മോനജ് എന്നിവർക്കാണ് മേൽനോട്ട ചുമതല.

• Facebook
• Twitter
• Linkedin
• Pinterest

You Might Also Like

Health

« PREV

NEXT »