അമേരിക്കൻ ഓയിൽ & ഗാസ് കമ്പനി കേരളത്തിലേക്ക് - മന്ത്രി പി രാജീവ്

മന്ത്രിയുടെ ഫേസ് ബുക്ക് പോസ്റ്റ് ചുവടെ:- അമേരിക്ക ആസ്ഥാനമായി ഓയിൽ ആൻ്റ് ഗ്യാസ് മേഖലയിൽ പ്രവർത്തിക്കുന്ന ഏറ്റവും വലിയ ടെക്നോളജി ദാതാക്കളായ NOV Inc(നാഷണൽ ഓയിൽ വെൽ) കമ്പനി ഇന്ത്യയിലെ ആദ്യത്തെ ഗ്ലോബൽ ക്യാപ്പബിലിറ്റി സെൻ്റർ കേരളത്തിൽ ആരംഭിച്ച സന്തോഷം മുഴുവൻ മലയാളികളുമായി പങ്കുവെക്കുകയാണ്. 52 രാജ്യങ്ങളിലായി 32000ത്തിലധികം പേർക്ക് തൊഴിൽ നൽകുന്ന സ്ഥാപനം ഇന്ത്യയിലും നിരവധി സ്ഥലങ്ങൾ പ്രഥമഘട്ടത്തിൽ പരിശോധിച്ചതിന് ശേഷമാണ് കേരളം തെരഞ്ഞെടുത്തത്. കൊച്ചി ഇൻഫോപാർക്കിലെ ലുലു സൈബർ ടവറിൽ ആരംഭിച്ചിട്ടുള്ള കേന്ദ്രത്തിൽ സോഫ്റ്റ്‌വെയർ എഞ്ചിനീയറിങ്ങ് സെൻ്റർ, കോർപ്പറേറ്റ് ഡിജിറ്റൽ സർവീസ്, കസ്റ്റമർ സപ്പോർട്ട് സെൻ്റർ എന്നീ സൗകര്യങ്ങൾ ലഭ്യമാകും. കഴിഞ്ഞ ഏതാനും ദിവസങ്ങൾക്കുള്ളിൽ കേരളത്തിലേക്ക് കടന്നുവരുന്ന നാലാമത്തെ ആഗോള കമ്പനിയാണ് NOV Inc

ലോകത്തിൻ്റെ എല്ലാ കോണുകളിലും നാളെ ഉപയോഗിക്കുന്ന സാങ്കേതിക വിദ്യ ഇവിടെ നിന്ന് ഉൽപാദിപ്പിക്കുന്നതാകുമെന്ന് ഞങ്ങൾ പ്രതീക്ഷിക്കുന്നു എന്നാണ് കമ്പനി അധികൃതർ ഉദ്ഘാടനവേളയിൽ പ്രഖ്യാപിച്ചത്. അവരെല്ലാവരും തന്നെ കേരളത്തിൻ്റെ മികച്ച ടാലൻ്റ് പൂളിനെ പ്രശംസിക്കുകയും ചെയ്തത് എന്തുകൊണ്ട് കേരളം നൂതന സാങ്കേതിക വിദ്യാ വ്യവസായങ്ങളെ ഇവിടേക്ക് ആകർഷിക്കുന്നു എന്നതിനുള്ള ഏറ്റവും അനുയോജ്യമായ തെളിവാണ്. ഒപ്പം മറ്റ് പ്രദേശങ്ങളിൽ നിന്ന് വ്യത്യസ്തമായി ഇവിടെ ലഭ്യമായിട്ടുള്ള ശുദ്ധവായുവും ജലലഭ്യതയും വൈജ്ഞാനിക സമ്പദ്ഘടനാ വികസനവുമെല്ലാം കേരളത്തെ ഇൻ്റസ്ട്രിയൽ റെവല്യൂഷൻ 4.0 കമ്പനികളുടെ ശ്രദ്ധാകേന്ദ്രമായി മാറ്റുകയാണ്.

കൈപൊള്ളിച്ച് സ്വർണ വില: ഈ മാസത്തെ ഏറ്റവും ഉയർന്ന നിരക്കിൽ വിപണി

സംസ്ഥാനത്തെ സ്വർണവിലയിൽ കുതിപ്പ് തുടരുന്നു. ഈ മാസത്തെ ഏറ്റവും ഉയർന്ന നിരക്കാണ് ഇന്ന് രേഖപ്പെടുത്തിയിരിക്കുന്നത്.

 ഇന്നലെയും ഇതേ റെക്കോഡിട്ട സ്വർണ വില സാധാരണക്കാരൻ്റെ കൈ പൊള്ളിക്കുകയാണ്. കഴിഞ്ഞ ദിവസങ്ങളിലെല്ലാം സ്വർണവില ഈ മാസത്തെ ഏറ്റവും ഉയർന്ന നിരക്കിലൂടെയാണ് കടന്നുപോകുന്നത്. 

ഒരു ഗ്രാമിന് 6960 രൂപയാണ് വില ഇന്നത്തെ വില. ഇന്നലെ ഇത് 6885 രൂപയായിരുന്നു. ഒരു പവൻ 22 കാരറ്റ് സ്വർണത്തിനാകട്ടേ 55,680 രൂപ നൽകണം. ഇന്നലെ ഇത് 55,080 രൂപയായിരുന്നു. വെള്ളി വില ഗ്രാമിന് 95.90 രൂപയും കിലോഗ്രാമിന് 95,900 രൂപയുമാണ് ഇന്നത്തെ വില. 

സെപ്റ്റംബർ 2 മുതൽ 5 വരെ മാറ്റമില്ലാതെ തുടർന്ന 53,360 രൂപയാണ് ഈ മാസം രേഖപ്പെടുത്തിയ ഏറ്റവും കുറഞ്ഞ നിരക്ക്. സ്വർണവിലയിൽ വലിയ ഉയർച്ച താഴ്ച്ചകൾ രേഖപ്പെടുത്തിയ ഒരു മാസമാണ് കടന്നുപോയത്. ആഗസ്റ്റിൽ സ്വർണം വാങ്ങാൻ നല്ല അവസരമുണ്ടായിരുന്നു. എന്നാൽ ഈ അവസരത്തിന് പിന്നാലെ വലിയ തിരിച്ചടിയും വിപണിയിൽ നേരിട്ടു. വലിയ കുതിപ്പാണ് പിന്നീട് സ്വർണ വിലയിൽ ഉണ്ടായത്.

സ്വർണവിലയിൽ വീണ്ടും വർദ്ധന; അരലക്ഷത്തിൽ നിന്ന് ഉയർന്ന് പവൻ.

സ്വർണവിലയിൽ വീണ്ടും നേരിയ വർദ്ധനവ്. കഴിഞ്ഞ ദിവസം സ്വർണവിലയിൽ വലിയ ഇടിവാണ് രേഖപ്പെടുത്തിയത്. കേന്ദ്ര സർക്കാർ ബജറ്റ് അവതരണത്തിൽ കുറച്ചതിനെ തുടർന്നാണ് സംസ്ഥാനത്തെ സ്വർണ്ണ വില കുത്തനെ ഇടിഞ്ഞത്. കേന്ദ്ര ബജറ്റ് അവതരണം നടന്ന 23-ാം തീയ്യതി രാവിലെയും ഉച്ചക്കുമായി 2,200 രൂപയുടെ കുറവാണ് സ്വർണവിലയിൽ ഉണ്ടായത്. 

പവന് 120 രൂപയുടെ വർദ്ധനവാണ് നിലവിൽ രേഖപ്പെടുത്തിയിരിക്കുന്നത്. ഇതോടെ പവന് 50,720 രീപയിലെത്തി വിപണി വില. ഇന്നലെ നിശ്ചലമായിക്കിടന്ന സ്വർണ വിപണി ഗ്രാമിന് 15 രൂപയുടെ വർദ്ധനവുമായാണ് ഉയർന്നത്.

സ്വർണത്തിന്‍റെയും വെള്ളിയുടെയും പ്ലാറ്റിനത്തിന്‍റെയും ഇറക്കുമതി തീരുവ കേന്ദ്ര സർക്കാർ കുറച്ചിരുന്നു. സ്വർണത്തിന്‍റെയും വെള്ളിയുടെയും ഇറക്കുമതി തീരുവ ആറ് ശതമാനവും പ്ലാറ്റിനത്തിന്റേത് 6.4 ശതമാനവുമാണ് കുറച്ചത്. രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ - രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്. 

ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും. 

അതേസമയം, രാജ്യാന്തര വിപണിയിൽ സ്വർണത്തിന് വില കുറഞ്ഞാൽ ഇന്ത്യയിൽ വില കുറയണമെന്ന് നിർബന്ധമില്ല. രൂപയുടെ മൂല്യം, പ്രാദേശികമായ ആവശ്യകത, ഇറക്കുമതി തീരുവ എന്നീ ഘടകങ്ങൾ ഇന്ത്യയിലെ സ്വർണവില നിശ്ചയിക്കുന്നതിൽ പ്രധാന പങ്കുവഹിക്കും. നിലവിൽ പ്രാദേശികമായി പ്രവർത്തിക്കുന്ന ഗോൾഡ് അസോസിയേഷനുകളാണ് ആഭ്യന്തര വിപണിയിൽ സ്വർണത്തിന് വിലയിടുന്നത്. ആവശ്യകത അനുസരിച്ച് സ്വർണത്തിന് വിലകൂട്ടാനും വിലകുറയ്ക്കാനും അസോസിയേഷനുകൾക്ക് കഴിയും. ആവശ്യമായ സാഹചര്യങ്ങളിൽ ദിവസത്തിൽ രണ്ടുതവണ വരെ അസോസിയേഷനുകൾ വില പുതുക്കാറുണ്ട്.

കേരളത്തിൽ എയിംസ് വരും, കേരളത്തിനോട് അവഗണനയില്ല - സുരേഷ് ഗോപി

 

മോദി സർക്കാരിൻ്റെ ബജറ്റിൽ കേരളത്തിനോട് അവഗണനയില്ലെന്ന് കേന്ദ്ര സഹമന്ത്രി സുരേഷ് ഗോപി. കേരളത്തിൽ എയിംസ് വരും, വന്നിരിക്കുമെന്നും അദ്ദേഹം പറഞ്ഞു. "കേരളത്തിൽ യുവാക്കളില്ലേ? യുവാക്കൾക്കു വേണ്ടിയുള്ള തൊഴിലവസരങ്ങൾ സൃഷ്‌ടിച്ചില്ലേ? കേരളത്തിൽ ഫിഷറീസും സ്ത്രീകളും ഇല്ലേ?" - സുരേഷ് ഗോപി ചോദിച്ചു.

സംസ്ഥാന സർക്കാർ എയിംസിന് മതിയായ സ്‌ഥലം നൽകിയിട്ടില്ല. കോഴിക്കോട് സംസ്‌ഥാന സർക്കാർ നൽകിയ 150 ഏക്കർ സ്‌ഥലം മതിയാകില്ലെന്നും സുരേഷ് ഗോപി പറഞ്ഞു. കേരളത്തിനു കേന്ദ്രമന്ത്രിമാർ മാത്രമേ ഉള്ളൂവെന്ന് പ്രതിപക്ഷം ആക്ഷേപിക്കുന്നതായി മാധ്യമപ്രവർത്തകർ ചൂണ്ടിക്കാട്ടിയപ്പോൾ ആരോപിച്ചോട്ടെ എന്നായിരുന്നു മറുപടി.

നിർമല സീതാരാമൻ്റെ ഏഴാം ബജറ്റിൽ കേരളത്തിന് കാര്യമായി ഒന്നും കിട്ടിയില്ല. സാമ്പത്തിക പ്രതിസന്ധി മാറ്റാൻ 24,000 കോടിയുടെ പാക്കേജ്, സിൽവർ ലൈൻ, ഉയർന്ന ജിഎസ്‌ടി വിഹിതം, എയിംസ്, റബറിന് 250 രൂപ താങ്ങുവില തുടങ്ങി സംസ്ഥാനത്തിൻ്റെ ഒട്ടേറെ പ്രതീക്ഷകളാണു വീണുടഞ്ഞത്.

സംസ്ഥാനത്ത് സ്വർണവില വീണ്ടും കുറഞ്ഞു; ആറ് ദിവസത്തിനിടെ കുറഞ്ഞത് 1000 രൂപ.

സംസ്ഥാനത്ത് സ്വര്‍ണവില വീണ്ടും കുറഞ്ഞു. ഇന്ന് പവന് 200 രൂപ കുറഞ്ഞതോടെയാണ് സ്വര്‍ണവില 54,000ല്‍ താഴെയെത്തിയത്. 53,960 രൂപയാണ് ഒരു പവന്‍ സ്വര്‍ണത്തിന്റെ വില.

 ഗ്രാമിന് 25 രൂപ കുറഞ്ഞു. 6745 രൂപയാണ് ഒരു ഗ്രാം സ്വര്‍ണത്തിന്റെ വില. 6 ദിവസത്തിനിടെ ആയിരത്തിലധികം രൂപയാണ് കുറഞ്ഞത്. ഈ മാസം 17-ആം തീയതി 55,000 രൂപയിലെത്തിയ പവന്‍റെ വില എന്നാൽ കഴിഞ്ഞ കുറച്ച് ദിവസമായി തുടർച്ചയായി കുറയുകയായിരുന്നു. 

വരും ദിവസങ്ങളിലും സ്വർണവില താഴേക്കിറങ്ങിയാൽ അത് ആഭരണം വാങ്ങുന്നവർക്ക് വലിയ ആശ്വാസമായിരിക്കും. രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ - രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്. നിലവിൽ വിലയുടെ ചാഞ്ചാട്ടത്തിന് പ്രധാന കാരണം അമേരിക്കന്‍ രാഷ്ട്രീയത്തിലെ അസ്ഥിരതയാണ്. 

ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും. അതേസമയം, രാജ്യാന്തര വിപണിയിൽ സ്വർണത്തിന് വില കുറഞ്ഞാൽ ഇന്ത്യയിൽ വില കുറയണമെന്ന് നിർബന്ധമില്ല. 

രൂപയുടെ മൂല്യം, പ്രാദേശികമായ ആവശ്യകത, ഇറക്കുമതി തീരുവ എന്നീ ഘടകങ്ങൾ ഇന്ത്യയിലെ സ്വർണവില നിശ്ചയിക്കുന്നതിൽ പ്രധാന പങ്കുവഹിക്കും. നിലവിൽ പ്രാദേശികമായി പ്രവർത്തിക്കുന്ന ഗോൾഡ് അസോസിയേഷനുകളാണ് ആഭ്യന്തര വിപണിയിൽ സ്വർണത്തിന് വിലയിടുന്നത്. ആവശ്യകത അനുസരിച്ച് സ്വർണത്തിന് വിലകൂട്ടാനും വിലകുറയ്ക്കാനും അസോസിയേഷനുകൾക്ക് കഴിയും. ആവശ്യമായ സാഹചര്യങ്ങളിൽ ദിവസത്തിൽ രണ്ടുതവണ വരെ അസോസിയേഷനുകൾ വില പുതുക്കാറുണ്ട്.

അമൃത് കാലത്തിലെ പുരോഗതി; ആറ് സുപ്രധാന മേഖലകൾ വ്യക്തമാക്കി സാമ്പത്തിക സർവേ.

ധനമന്ത്രി നിർമല സീതാരാമൻ പാർലമെന്റിൽ അവതരിപ്പിച്ച സാമ്പത്തിക സർവേ, ഇന്ത്യയുടെ ജിഡിപി വളർച്ച 6.5% മുതൽ 7% വരെ പ്രതീക്ഷിക്കുന്നു. അമൃത് കാലത്തിലെ സാമ്പത്തിക പുരോഗതിക്ക് ആവശ്യമായ ആറ് സുപ്രധാന മേഖലകൾ വ്യക്തമാക്കുന്നതാണ് സർവേ.

സ്വകാര്യ നിക്ഷേപം വർധിപ്പിക്കുക: സാമ്പത്തിക വളർച്ചയെ ഉത്തേജിപ്പിക്കുന്നതിന് സ്വകാര്യ മേഖലയിലെ നിക്ഷേപം വർദ്ധിപ്പിക്കുന്നതിന് ഊന്നൽ നൽകേണ്ടത് പ്രധാനമാണെന്ന് സർവേ അഭിപ്രായപ്പെടുന്നു. 

എംഎസ്എംഇ: ഇന്ത്യയുടെ സൂക്ഷ്മ, ചെറുകിട, ഇടത്തരം സംരംഭങ്ങളുടെ വളർച്ചയ്ക്കും വിപുലീകരണത്തിനും മുൻഗണന നൽകുന്നത് തന്ത്രപ്രധാനമാണെന്ന് സാമ്പത്തിക സർവേ വ്യക്തമാക്കുന്നു. രാജ്യത്തിന്റെ മൊത്ത ആഭ്യന്തര ഉൽപ്പാദനത്തിൽ 29 ശതമാനം സംഭാവന നൽകുന്നത് സൂക്ഷ്മ, ചെറുകിട, ഇടത്തരം വ്യവസായ മേഖലയാണ്. കൂടാതെ തൊഴിൽ നൽകുന്നതിൽ പ്രധാന പങ്കു വഹിക്കുകയും ചെയ്യുന്നു. സർക്കാർ കണക്കുകൾ പ്രകാരം 11.10 കോടി തൊഴിലവസരങ്ങളിൽ 360.41 ലക്ഷത്തിലധികം തൊഴിലവസരങ്ങൾ എംഎസ്എംഇ മേഖല സൃഷ്ടിക്കുന്നു

 കൃഷി: നിലവിലുള്ള നയപരമായ തടസ്സങ്ങൾ നീക്കി ഒരു പ്രധാന വളർച്ചാ ചാലകമെന്ന നിലയിൽ കൃഷിയിൽ കൂടുതൽ കൂടുതൽ ശ്രദ്ധ കേന്ദ്രീകരിക്കാനാണ് സർക്കാർ ലക്ഷ്യമിടുന്നതെന്ന് സാമ്പത്തിക സർവേ പറയുന്നു.

ഹരിത പരിവർത്തനം: ഇന്ത്യയുടെ ഹരിത പരിവർത്തനത്തിനുള്ള ധനസഹായം ഉറപ്പാക്കുന്നത് സുസ്ഥിര വികസനത്തിനും പരിസ്ഥിതി സംരക്ഷണത്തിനും അത്യന്താപേക്ഷിതമാണെന്ന് രേഖ ചൂണ്ടിക്കാണിക്കുന്നു.

വിദ്യാഭ്യാസം-തൊഴിൽ: വിദ്യാഭ്യാസവും തൊഴിലും തമ്മിലുള്ള അന്തരം പരിഹരിക്കുന്നത് വളരെ പ്രധാനമാണെന്ന് സർവേ ചൂണ്ടിക്കാട്ടി. . ഇന്ത്യയിലെ ഏകദേശം 47 ശതമാനം ബിരുദധാരികളും തൊഴിൽ ചെയ്യുന്നതിനുള്ള നിലവാരം പാലിക്കുന്നില്ലെന്ന് കണ്ടെത്തിയിരുന്നു.  

സംസ്ഥാനങ്ങളുടെ ശേഷി വർധിപ്പിക്കൽ: നയങ്ങൾ ഫലപ്രദമായി നടപ്പിലാക്കുന്നതിനും വളർച്ചയെ നയിക്കുന്നതിനും സംസ്ഥാനങ്ങളുടെ ശേഷി വർദ്ധിപ്പിക്കുന്നതിന് കേന്ദ്രീകൃതമായ ശ്രമം ആവശ്യമാണെന്ന് സർവേ വ്യക്തമാക്കുന്നു.

സംസ്ഥാനത്ത് സ്വർണ്ണ വിലയിൽ ഇന്നും നേരിയ ഇടിവ്.

സംസ്ഥാനത്ത് സ്വർണ്ണ വിലയിൽ ഇന്നും നേരിയ ഇടിവ്. ഇന്ന് ഒരു ഗ്രാം സ്വർണ്ണത്തിന് 2 രൂപയും പവന് 200 രൂപയുമാണ് കുറഞ്ഞത്. ഒരു ഗ്രാം സ്വർണത്തിന് 6575 രൂപയിലും പവന് 52, 600 രൂപയിലുമാണ് ഇന്ന് വ്യാപാരം നടക്കുന്നത്. രണ്ടാഴ്ചയ്ക്കിടയിലെ ഏറ്റവും കുറഞ്ഞ വിലയാണിത്.

 കഴിഞ്ഞ കുറച്ച് ദിവസങ്ങളിലായി സ്വർണവിലയിൽ ഇടിവ് രേഖപ്പെടുത്തിയിട്ടുണ്ട്. ഈ മാസത്തെ ഏറ്റവും ഉയർന്ന നിരക്ക് രേഖപ്പെടുത്തിയത്, ജൂൺ ഏഴിനാണ്.

54,080 എന്ന നിരക്കിലാണ് ഒരു പവൻ സ്വർണം എത്തി നിന്നത്. ഇതിന് തൊട്ടടുത്ത ദിവസങ്ങളിൽ തന്നെ വിലയിൽ വലിയ രീതിയുലുള്ള ഇടിവും സംഭവിച്ചു. ജൂൺ 10-ന് 52,560 രൂപയാണ് രേഖപ്പെടുത്തിയത്. അതിന് ശേഷം ചെറിയ ഏറ്റക്കുറച്ചിലുകളോടെ സ്വർണവില ഇപ്പോൾ 52ൽ എത്തി നിൽക്കുകയാണ്.

ക്ഷേമപെൻഷൻ വിതരണം 27 മുതൽ; 5 മാസത്തെ കുടിശിക ബാക്കി

 

സംസ്‌ഥാനത്തെ ക്ഷേമപെൻഷൻ വിതരണം 27 മുതൽ ആരംഭിക്കും. ജൂണിലെ പെൻഷനാണ് നൽകുന്നത്. 900 കോടി രൂപ അനുവദിച്ചു. 5 മാസത്തെ കുടിശിക ബാക്കിയുണ്ട്. ലോക്സഭാ തിരഞ്ഞെടുപ്പ് തോൽവിയുടെ പശ്ചാത്തലത്തിൽ പെൻഷൻ വിതരണം ഉൾപ്പെടെയുള്ള കാര്യങ്ങൾ ത്വരിതപ്പെടുത്തുമെന്നു സർക്കാർ അറിയിച്ചിരുന്നു.

1600 രൂപ വീതമാണ് ഗുണഭോക്‌താക്കൾക്ക് ലഭിക്കുകയെന്ന് മന്ത്രി കെ.എൻ.ബാലഗോപാൽ പറഞ്ഞു. ബാങ്ക് അക്കൗണ്ട് നമ്പർ നൽകിയിട്ടുള്ളവർക്ക് അക്കൗണ്ട് വഴിയും, മറ്റുള്ളവർക്ക് സഹകരണ സംഘങ്ങൾ വഴി നേരിട്ടു വീട്ടിലും എത്തിക്കും. 

അതത് മാസം പെൻഷൻ വിതരണത്തിന് നടപടി സ്വീകരിക്കുമെന്ന് ബജറ്റിൽ പ്രഖ്യാപിച്ചിരുന്നു. ഇതനുസരിച്ച് മാർച്ച്, ഏപ്രിൽ, മേയ് മാസങ്ങളിലും പെൻഷൻ നൽകിയിരുന്നുവെന്നു മന്ത്രി പറഞ്ഞു.

നികുതി പണം സംസ്ഥാനങ്ങളുടെ വികസനത്തിന്.

2024-25ലെ ഇടക്കാല ബജറ്റിൽ സംസ്ഥാനങ്ങൾക്ക് നികുതി കൈമാറ്റത്തിനായി 12,19,783 കോടി രൂപ വകയിരുത്തിയിട്ടുണ്ട് എന്നത് ശ്രദ്ധേയമാണ്. സംസ്ഥാനങ്ങൾക്ക് നികുതി വിഭജനം അനുവദിക്കുമ്പോൾ, 2024 ജൂണിലെ വിഭജന തുകയുടെ പതിവ് റിലീസിന് പുറമേ, ഒരു അധിക ഗഡു കൂടി അനുവദിക്കുമെന്ന് ധനമന്ത്രാലയം പുറത്തിറക്കിയ പ്രസ്താവനയിൽ പറഞ്ഞു. 

വികസനവും മൂലധന ചെലവും ത്വരിതപ്പെടുത്തുന്നതിന് സംസ്ഥാന സർക്കാരുകൾക്ക് ഇത് ഉപയോഗിക്കാൻ കഴിയും.അധിക ഗഡുവിനൊപ്പം, ജൂൺ 10 തിങ്കളാഴ്ച (2024-25 സാമ്പത്തിക വർഷത്തേക്ക്) സംസ്ഥാനങ്ങൾക്ക് കൈമാറിയ ആകെ തുക 2,79,500 കോടി രൂപയാണ്.

ധനമന്ത്രാലയത്തിൽ നിന്ന് പശ്ചിമ ബംഗാളിന് 10513.46 കോടിയും മഹാരാഷ്ട്രയ്ക്ക് 8828.08 കോടിയും ലഭിച്ചു. രാജസ്ഥാൻ 8421.38 കോടി, ഒഡീഷ, 6327.92 കോടി എന്നിവയാണ് മറ്റുള്ള തുകകൾ. ഗുജറാത്തിന് 4860.56 കോടിയും അനുവദിച്ചു. ജാർഖണ്ഡിന് 4621.58 കോടി രൂപ ലഭിച്ചു. പഞ്ചാബിന് 2525.32 കോടി രൂപയും ഹിമാചൽ പ്രദേശിന് 1159.92 കോടി രൂപയും കൈമാറി. ഇതിന് പുറമെ മണിപ്പൂരിനും മേഘാലയയ്ക്കും യഥാക്രമം 1000.60, 1071.90 കോടി രൂപ ലഭിച്ചിട്ടുണ്ട്.

സംസ്ഥാനത്ത് സ്വർണവിലയില്‍ വീണ്ടും വർധന.

സംസ്ഥാനത്ത് സ്വർണവിലയില്‍ വീണ്ടും വർധന രേഖപ്പെടുത്തി. ഇന്ന് ഒരു ഗ്രാം 22 കാരറ്റ് സ്വർണത്തിന് 70 രൂപ കൂടി 6730 രൂപയിലും പവന് 560 രൂപ കൂടി 53,840 രൂപയിലുമാണ് ഇന്ന് വ്യാപാരം നടക്കുന്നത്.

18 കാരറ്റ് സ്വർണത്തിന് ഗ്രാമിന് 60 രൂപ കൂടി 5600 രൂപയിലും പവന് 480 രൂപ കൂടി 44800 രൂപയിലുമാണ് വ്യാപാരം. ഒരു ഗ്രാം സാധാരണ വെള്ളിക്ക് 97 രൂപയാണ് ഇന്നത്തെ നിരക്ക്. 1 രൂപയുടെ വർധനവുണ്ടായി. ഇന്നലെ ഒരു ഗ്രാം 22 കാരറ്റ്‌ സ്വർണത്തിന്റെ വില ഗ്രാമിന് 6,660 രൂപയും ഒരു ഗ്രാം 18 കാരറ്റ്‌ സ്വർണത്തിന്റെ വില 5,540 രൂപയുമായിരുന്നു.

അതേസമയം 55,000 തൊട്ട സ്വർണവില കുറഞ്ഞത് ആഭരണം വാങ്ങാനായി കാത്തിരുന്നവർക്ക് വലിയ ആശ്വാസമാണ്. മാത്രമല്ല, സ്വര്‍ണത്തില്‍ നിക്ഷേപിക്കുന്നവര്‍ക്കും ഇതൊരു അവസരമാണ്. സ്വര്‍ണം വില്‍ക്കാനുള്ളവര്‍ക്ക് അല്‍പ്പം കൂടി കാത്തിരിക്കാം. ആഗോള വിപണിയിലും വില കുറഞ്ഞിട്ടുണ്ട്. ഓഹരി വിപണിയില്‍ ഉണ്ടായ ചലനങ്ങളും അന്താരാഷ്ട്ര വിപണിയില്‍ സ്വര്‍ണവിലയില്‍ ഉണ്ടാകുന്ന മാറ്റങ്ങളുമാണ് വിലയെ സ്വാധീനിക്കുന്നത്.